Miss Jyapu
Miss Jyapu 2014

मिस ज्यापु व्युटि पेजेन्ट २०१२ फाइनल ज्याझ्व

नासः मण्डलया ग्वासलय् न्हापांगु मिस ज्यापु व्युटि पेजेन्ट २०१२ ज्याझ् तसकं झःझः धायक सफलतापर्ूवर्क क्वचागु दु । दकले न्हापा नेपाःदेया कला, संस्कृति म्वाका वयाच्वंगु दापाः धिमे, बाँसुरी व पोंगा पुया भाजु र्सर्ूय नारायण महर्जन पाखें ६० वटा बाजं थाना थ्व ज्याझ्व शुरु यागु ख । थ्व व्युटि पेजेन्टया ग्वसाखल नासः मण्डलया नायो भाजु महेन्द्र राज डंगोलजु पाखें स्वागत भाषणं शुरु जुगु थ्व ज्याझ्वलय् वयकनं धयादिलः-

हलिमय सुयां नाप जो मलागु झिगु संस्कार व संस्कृति ।

थगुहे पहया मौलिकता जागु झिगु तजिलजि ।

मायार्,र् इन्का, युनानी थें जागु पितृसक्ताात्मक सभ्यता सिबें पुलांगु झिगु सभ्यता ।

हिमवतखण्ड जम्बुुद्विप या आदिगुरु नासःद्यो नंं प्रतिपादन यागु मातृसक्तात्मक आधारशिलाय् धस्वाना च्वंगु सभ्यता खः ज्यापु सभ्यता ।

थ्व हे प्राचिनतम कालं निसें थौं तक नं निरन्तर थःपिनिगु जीवनय् नालाकया वया च्वंगु थ्व ज्यापु सभ्यता या संवाहक पीं झि थ्व नेवाः तय्त थौं कने ज्यापु जाति धका म्हसिका दु ।थ्वहे प्राचिनतम ऐतिहासिक म्हसिका दुपिं झि ज्यापु तय्गु पाश्चात्य संस्कृति खय् मिखाः तिसिना तिन्हुया च्वनाच्वपीं न्हुगु पुष्टा पिन्त लगायत न्यङ्क हलिमय हे थ्व गौरवमयर् इतिहास ब्बलंकेगु कुत कथं नासः मण्डलया न्हापांगु कुत खः "मिस ज्यापु व्यूटि पेजेन्ट २०१२" ।

स्वनिग लगायत टिस्टुङ्ग पालुङ्ग निसें थ्व व्युटि पेजेन्टय् ३४ जना मय्जु पिन्सं व्बति कागु ख । जीवनय् मागु आधुनिक प्रविधि निसें प्राचिनतम ज्यापु जातिया म्हसिका दुगु संस्कार संस्कृति लिसें, मर्ूर्ति दयकेगु ज्याः, बुँ ज्याः, बजी ल्हुइगु, पोः हाय्गु, अय्ला काय्गु, वः, चतांमरी छुइगु, योमरी दय्केगु, छोयला दय्केगु ज्याः नं स्यनेगु ज्याःझ्व न्हृयाकागु दु ।

लःछी तक प्रशिक्षण याय्धुंका थ्वहे वंगु असार ३ गते आईतबाः कुन्हु यें दे या कमलादि च्वगंु नेपाल प्रज्ञाप्रतिष्ठान हलय् फाइनल इभेन्ट क्वचागु दु ।

यें दे या सोह्रखुट्टेपाखें च्वंगु श्री सिद्धि गणेश पार्टर्ीीेन्यूलय् लच्छिन्यकं थीथी प्रशिक्षणय् मय्जुपिन्त नेवाः तय्गु भाषा, कला, संस्कृति व तजिलजिर्,र् इतिहास, वातावरणया विषयलय् भाषाविद, संस्कृतविद आदि विज्ञ भाजु पीं भाजु मोहनकृष्ण डंगोल, विपिन महर्जन, एकाराम सिंह, शेष नारायण महर्जन, पर्ूण्ा नारायण महर्जन, डा. सुजाता, डा.योगी विकासानन्द, राजभाई सुवाल, हिसिला महर्जन आदि क्लास कयादीगु ख ।

थीथी थासय् प्रशिक्षण विइगु झ्वलय् टोखाय् आदिकालनिसें आधुनिक प्रविधि न्हृयाका वयाच्वंगु परम्परागत बुँज्याया पद्धति, मनमय्जर्ुइ परम्परागत प्रविधिं बजि ल्हुइगु, अय्लाः, थ्वँ थुइगु स्यनेकने याःगु दु ।यलय् वरिष्ठ मर्ूर्तिकार राजेश अवालेया ज्यासलय् मर्ूर्ति दयकेगु स्यनेकने ज्याः नापं यल समाजय् व यल वसन्तपुर दरवारक्वायर थीथी मन्दिरया म्हसिका यागु दु ।अथे हे स्वनिगःया आपलं थाय् थासय् यंकाः अनया कला, संस्कृति व ऐतिहासिकताया विषयसं जानकारी विइगु ज्यात नं जुल ।

थ्व इभेन्टय् स्वंगु विषय च्वछाः वंगु कुत यागु दु । दकले न्हापा, संसारय् आ तक हे गवसं मयागु र्‍याम्पय् क्याटवाकया ज्याझ्वलय् लाईभ नेवा बाजं थाना रर्ेकर्ड तगुः दु । मेगु ध्वाय् फुगु खं थ्व इभेन्टय् पुवंक झिगु हे थाना कापया लँः जक फिइगु ज्याझ्व यागु दु । बांलाकः डिजाइन याय्गु खसा झिगु थाना कापः नं मेगु विदेशी कापः नाप कम मजु धयागु स्पष्ट खने दु । मेगु कुतः ख, थ्व इभेन्टय् शुरु निसें कया लिपातक पुरा ४ः३० धण्टा -प्रोग्राम होस्ट लिसें कया थ्व व्यूटि पेजेन्ट व्वति कया च्वपीं मय्जु पिनिगु थगु म्हसिका लिसें न्हसः लिसः तक) नेपाल भाषा ज्याझ्व न्याकागु दु ।

थ्व मिस ज्यापु व्युटि पेजेन्टया थुकथं सफलताय् थ्यकेगु नितिं व्वति कापीं मय्जुपिंत नेपालभाषाया स्यनेकने ज्या मय्जु शर्मिला सुवालं यानादीगु खः सा, कोरियोग्राफर भाजु मनिष शाक्यं र्‍याम्पय् क्याटवाक स्यनादीगु खः नापं लसकुस हुलाप्याखं मय्जु सोफिया महर्जन पाखें स्यनादीगु ख ।

थ्व फाइनल इभेन्टया प्रोग्राम होस्ट दकले लोकंहृवाम्ह भाजु रोजिन शाक्य व मय्जु चाहाना डंगोल खः धासा मेकअप भाजु सन्तु तामाङ्ग यानादीगु खः नापं साउण्ड व लाईट भाजु रामलाल श्रेष्ठ यानादीगु खः।

ज्यापु संस्कृति विकास कोष, ज्यापु महागुठी, श्री ज्यापु महागुठी, आदिवासी ज्यापु संघ, ६३ त्वाःया नायो भाजुपिं, ज्यापु समाज यल नापं विभिन्न संघ संस्था पाखें यक्को हे पाहाँपीं थ्व व्यूटि पेजेन्ट ज्याझ्वयात झः झः धायकेत झायादीगु खः नापं विभिन्न टेलिभिजन, राष्ट्रिय दैनिक पत्रिकाया पत्रकार, नेवा पत्रिका पत्रकार पासापीं समाचार सम्प्रेसनयु लागि यक्को हे झागु दु सा हिमालयन टेलिभिजन व रेडियो उपत्यका एफ.एम.पाखें थ्व ज्याझ्व प्रत्यक्ष प्रशारण यागु ख ।

थ्व ज्याझ्वलय् निर्ण्ाायक मण्डलय् वरिष्ठ फोटोग्राफर भाजु राजभाई सुवाल -चिफ जुरी), पर्ूव मिस नेपाल मय्जु उषा खड्गी -जुरी मेम्वर), पर्ूव मिस नेपाल मय्जु सदिक्षा श्रेष्ठ -जुरी मेम्वर), पर्ूव मिस नेवा मय्जु सुनिता डंगोल -जुरी मेम्वर), नमूना कलेजया भाइस प्रिन्सिपल भाजु जिवेश्वरलाल श्रेष्ठ -जुरी मेम्वर), नेवाः न्हृयलुवा भाजु नरेशविर शाक्य -जुरी मेम्वर), वरिष्ठ संचारकर्मी नापं यें महानगरपालिकाया डाइरेक्टर मय्जु रश्मिला प्रजापति, प्रिन्सिपल भाजु राजु महर्जन नापं ज्यापु संस्कृति विकास कोषया नायो भाजु चक्रमान डंगोल -जुरी मेम्वर), जुयादीगु ख ।
मुकं स्वप्यम्ह मय्जु पिन्स व्बति कागु थ्व व्युटि पेजेन्ट ज्याझ्वलय् दक्कले पहिला मय्जु पिनिगु थगु म्हसिका विईगु ज्याझ्व ख । अनं लिपा झिन्याम्ह बाँला मय्जु पिं ल्यय्गु ज्या नापं प्रत्येक जुरी पिन्स म्हतिं छम्ह छम्हसित न्यसःलिसः काय्गु ज्याःयागु ख ।वया लिपा न्याम्ह मय्जु पीं -सविना महर्जन, रुना महर्जन, सविना महर्जन, करिश्मा व विद्यालक्ष्मी महर्जन) जुरी पाखें ल्यय्गु ख ।

छें भिंकेगु ज्याय् मां, म्हृयाय् व भौमचा मध्ये सुयागु भूमिका अप्वःजर्ुइ व छाय् धइगु न्हृयसःया मिसा, मामं म्हृयाय् बुइकुी, म्हृयाय् वना भौमचा जर्ुइ अले हानं मां । उकिं म्वम्हं मिसा जुयाः मिसाया भूमिका दकले तःधं । थ्व लिस लैनचौर निवासी २१ वर्षदुम्ह मय्जु सविना महर्जन -कन्टेस्टेन्ट नंं ७) विया मिस ज्यापु व्युटि पेजेन्ट २०१२ या धें धें वल्लाकासा क्राउन नापं २५ पचिस हजार दाँ त्याका दिल । अथे हे फस्ट रनरअप नरदेवी च्वम्ह मय्जु रुना महर्जनं १५ हजार दाँ व क्राउन त्याका दिल धासा सेकेण्ड रनरअप यत्खा वहाः च्वम्ह मय्जु सविना महर्जनं १० हजार व क्राउन त्याकादिल । मिस ट्यालेन्ट मय्जु सविना महर्जन लैनचौर क्राउन नापं ५ हजार दाँ त्याकादील ।

सुना छु त्याकल

मिस वेष्ट नेपाल भाषा अवार्ड - कल्पना महर्जन -कलंकी)
मिस वेष्ट एग्रिकल्चर अवार्ड - रोजिना डंगोल -टोखा)
मिस वेष्ट कल्चर अवार्ड - अमिना प्रजापति -ओन्दे)
मिस वेष्ट ट्रेडिसनल फुड अवार्ड - अलिसा महर्जन -मनमय्जु)
मिस वेष्ट पपुलारिटी अवार्ड - शान्ता डंगोल -ज्याथा)
मिस वेष्ट भ्यूवरच्वाइस अवार्ड - विद्यालक्ष्मी महर्जन -गोंगबुँ)
मिस वेष्ट स्माइल अवार्ड - रोशनी महर्जन -ठमेल)
मिस वेष्ट प|mेण्डसिप अवार्ड - र्सर्जुना महर्जन -नयाँबजार)
मिस वेष्ट फोटोजेनिक अवार्ड - पूजा महर्जन -मनमय्जु)
मिस वेष्ट डिसिप्लेन अवार्ड - रोजिता महर्जन -चमती)
मिस वेष्ट पर्सनालिटी, वेष्ट ड्रेस - रुना महर्जन -नरदेवी)
मिस ज्यापु २०१२ ट्यालेन्ट - सविना महर्जन -लैनचौर)
फस्ट रनर अप मिस ज्यापु २०१२ - रुना महर्जन -नरदेवी)
सेकेन्ड रनर अप मिस ज्यापु २०१२ - सविना महर्जन -यत्खा वहा)
मिस ज्यापु २०१२ विनर - सविना महर्जन -नरदेवी)

Miss Jyapu Beauty Pageant 2017
criteria and rules View Details